كيفاش نشري من ميني سوق؟

باش تشري من ميني سوق، العملية ساهلة بارشا، إختار(ي) السلعة إلي تعجبك، و أبعث(ي) كودها (تلڨاه على ها الشاكلة ***M5) بالـSMS لرقم التلفون إلي باش تلڨاه(تلڨيه) تحت كل سلعة، وتو نتصلوا بيك باش نتفاهموا في بقية التفاصيل وتاخذ(ي) فكرة أكثر على السلعة والتوصيل...

إلي نشريه كيفاش يوصلني؟

بالنسبة للي يسكنوا في بلدية الغريبة (عِمادة الغريبة) توصلهم السلعة للدار، بالنسبة للي يسكنوا في أحواز الغريبة يحطوا الفلوس عند أي محل ياثقوا فيه ويكون موجود في بلدية الغريبة، بقدرة الله في ظرف 24 ساعة من الإتفاق بينا إنوصلولهم السلعة للمحل إلي إختاروه.. أو ممكن إنوصلولهم السلعة ليهم مباشرة إذا كانوا متواجدين في بلدية الغريبة.. و ثما سلع باش تلڨوها موجودة في المحلات إلي عاملين شراكة معانا، تمشولهم وتتسلموا سلعتكم.. "ممكن بسبب ظرف ما، ماإنتمموش عملية البيع! وفي الحالة هذي نتصلوا بيكم ونعلموكم أننا ألغينا عملية البيع أوالتوصيل، وإن شاء الله تعذرونا".

شنو إلي يضمنلي أني نتحصل على السلعة كيما في التصويرة والوصف؟

رضا حرفائنا غايتنا، و سمعتنا مانلعبوش بيها.. تصاور السلع بالموقع حقيقية، و الوصف مافيهش مبالغة في الشّكر، و ميزات أو حتى عيوب أي سلعة يا نكتبوها في الوصف أي تحت تصويرتها أو نڨولوهالكم في المكالمة أي ڨبل ماتشروا.. أما بعد التسليم مانتحملوش أي حاجة تصير للسلعة.

نحب إنكمندي على سلعة مالڨيتش منها في ميني سوق؟

ثما سلع في الوقت الحالي مانقدروش إنوفروها في ميني سوق، أما ممكن إنوفروها للحاب يكمندي عليها، لذا إذا حاب على سلعة ما ومالڨيتهاش معروضة في ميني سوق، أو موش موجودة في تونس أو لڨيتها أما سومها غالي.. إتصل بينا على الرقم 29248697، وبقدرة الله إذا ثما إمكانية باش إنوفرولك الطلب متاعك بالسوم إلي يفرحك مانبخلوش عليك.

أنا مانسكنش في الغريبة، نقدر نشري من ميني سوق؟

حاليا ميني سوق موجه لسكان الغريبة، أما إذا أنت من الصخيرة أو السوينية ثما إمكانية أنك تقدر(ي) تتسوق(ي) في الموقع، فقط إتصل(ي) بينا على الرقم 29248697 إذا حاب(ـة) إتكمندي على أي سلعة.